منتديات احلي شله

اهلا بك زائرنا الكريم اذا كانت هذه اول زياره لك فنرجوا منك التسجيل وان كنت عضو فنرجوا منك الدخول


انضم إلى المنتدى ، فالأمر سريع وسهل

منتديات احلي شله

اهلا بك زائرنا الكريم اذا كانت هذه اول زياره لك فنرجوا منك التسجيل وان كنت عضو فنرجوا منك الدخول

منتديات احلي شله

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شباب×شباب

اهلا بالعضو الجديد مملكه الحب

فلنرحب به ترحيب جامد جدا جدا جدا له

اشهر منتداك هنا

اهلا ومرحبا بكم في منتديات احلي شله

 


    هل تعرف ماذا يحدث فى معسكر خدمه

    البرنسيسه
    البرنسيسه

    هل تعرف ماذا يحدث فى معسكر خدمه Default2


    عدد الرسائل : 78
    العمر : 34
    البلد : مصر
    السٌّمعَة : 0
    نقاط : 5644
    تاريخ التسجيل : 08/11/2008

    هل تعرف ماذا يحدث فى معسكر خدمه Empty هل تعرف ماذا يحدث فى معسكر خدمه

    مُساهمة من طرف البرنسيسه السبت فبراير 28, 2009 2:03 pm

    بســم الله الـرحمــن الرحيــم

    السلام عليكــم ورحمـة الله وبركاتــة ،،


    طبعآ من اليوم اللى قبل المعسكر بنحضر الشنطة بتاعتنا لازم محدش ينسى أدواته الشخصية كلها

    ولازم يكون معاكم بعض الأدوية عشان لاقدر الله لو حد تعب ولا حاجه وبعض الأدوية زى المسكنات

    وبرشام الصداع وكده يعنى (على فكرة فيه دكتور بيبقى فى المبنى)


    المهم هحكيلكم اللى بيحصل فى المعسكر عشان الناس اللى يهمها الأمر وعايزة تعرف


    بنصحى الصبح بدرى وبنروح الجامعة الساعة8 الصبح وبنتقابل عند مدرج3


    بندخل جوه لما روحنا لقينا مديرة المعسكر موجودة فى إنتظارنا هى ودكاترة معاها طلبوا ممنا نكتب أسمائنا فى ورق

    معين أخدنا منهم وبالفعل كتبنا أسماءنا كلنا وبعدين قعدوا يندهوا على الأسامى ورقه ورقه وقسمونا لجماعات


    مثلآ الجماعة الأولى ؛الجماعة الثانية والتالته والرابعة ....وهكذا


    وكل جماعة تكمل يقولوا لهم روحوا إركبوا الأتوبيس بره مستنييكم


    ركبنا الأتوبيسات وروحنا على مدرج 16 فى المدينة الجامعية (الفوج كله (كل الجماعات يعنى))


    وقالوا كل أربعة يدخلوا مع بعض دخلنا كل أربعة مع بعض وكل أربعة يخدوا أوضه معينه


    يقولوا لنا رقم الأوضه ونطلع ندخلها


    طلعنا أكلنا لإننا كنا جايين من 8 الصبح دخلنا الأوضه الساعة 11 أو 11ونصف تقريبآ فكنا جوعنا


    قالوا لنا فى إجتماع ليكم مع مديرة المعسكر والدكاترة فى البدروم بتاع المبنى (بدروم كبييييييييير)


    فطبعآ منمناش أكلنا وغيرنا هدومنا ونزلنا تانى


    قالوا لنا هتتقسموا لجماعات حسب الأوض


    يعنى مثلآ دكتورة فلانة من الأوضه رقم كذا لأوضه رقم كذا.......وهكذا باقى الدكاترة


    كل دكتور بيلقى كلمة وبعدين كل دكتور أو دكتورة ياخد الجماعة بتاعته ويروح بيهم قدام المبنى فى أى ناحية


    هبدأ أحكى عن نفسى شوية


    أخدتنا الدكتورة وقعدتنا قدام المبنى على حاجه زى رصيف كده


    وعرفتنا بنفسها وقالت إننا لازم يكون لينا شعار معين قعدنا نفكر ملقناش حاجه فى دماغنا


    قالت لنا خلاص أنا عندى شعار لو عجبكم خلاص أوك مش عجبكم نشوف غيره


    الشعار كان بيقول جيل العزة والحرية قادم

    بسواعد وإيدين مصرية قادم

    جيل جبار مغوار

    جيل يتحدى الأخطار

    قادم قادم قادم قادم قادم وبعدين بنصقف الصقفة الصباعيه


    قعدنا نحفظ فيه وبعدين جه وقت الغداء


    الأتوبيسات بتيجى وبتودينا لحد المطعم عشان نتغدى


    أول ما دخلنا المطعم أول يوم بنمشى لحد ما نوصل للمكان اللى بناخد من السيرفس (صنية الأكل يعنى)


    ولقينا ملاعق وعيش على تربيزة بناخدمنها ملعقة ورغيف عيش


    وبعدين لقينا حد واقف بيدينا الفاكهة (بتبقى تفاح أو عنب)


    وقعدنا ناكل كان أول يوم فراخ وطبيخ وأرز وطمطماية وخيارية وتفاحتين


    خلصنا أكل وودينا الصنية لست كانت واقفة بترمى باقى الأكل فى برميل كبير كده


    وبعدين عسلنا إيدينا وخرجنا لقينا الأتوبيس مستنى ركبنا وروحنا المبنى بتاع المدينة


    وكل أربعة راحوا على أوضتهم


    الراحة من 3 لحد الساعة5 (ممكن حد يزور حد من الطالبات فى الوقت ده بس بتبقى الزيارة داخل المبنى فى الريسيبشن)


    نمنا شوية وبعدين قومنا قبل الاعة 5 عشان الدكتورة كانت عايزانا قعدت تكلمنا شوية عن الأنشطة اللى هنقوم بها


    وإختارت بنت مسئولة عن النشاط الرياضى وبنت عن النشاط الفنى وكده يعنى


    وبعدين كان فى إجتماع مع وكيلة الكلية تقريبآ قعدت تتكلم معانا شوية وبعدين العشاء كان الساعة 9 مساءآ


    إتعشينا وبعدين نمنا لحد الصبح


    صحينا الساعة 6 الصبح عشان نلحق نقوم ونلبس وكده عشان الطابور الرياضى بيبقى الساعة6ونصف


    فى الطابور كل قائدة للجماعة(بنت مننا بتختارها الرائدة بتاعتنا اللى هى الدكتورة) بتدى التمام للدكتورة اللى بتبقى واقفة فى وسط الملعب


    التمام اللى هوه عدد الحضور كام فى الطابور وعدد الغياب وهل بعذر أم لا


    وبعد التمام القائدة بتطلب ممنا إننا نقول شعار جماعتنا ولازم نقوله صح وكلنا مع بعض


    الجماعة اللى تقول غلط بتتذنب فى أرض الملعب فى الشمس


    وبعدين نعمل شوية تمرينات وبعدين تتعمل مسابقات


    بنت من كل جماعة مثلآ وينافسوا بعض فى الجرى


    أحلى ما فيها التشجيع كل جماعة بتقعد تشجع اللى هتجرى من جماعتها وبصوت عالى أوييييييي(مبقتش أسمع دلوقتى)


    وبعد ما تكسب بنهتف زى مثلآ فلانه يا فلانه يا أوبه إيه العظمة دى كلها


    كده يعنى وبردوا بتتعمل مسابقة شد الحبل



    وبعدين بنرفع العلم ونحييه وبعدين بننصرف للمبنى ونروح الأوض بتاعتنا


    بنفطر وبنشوف الأنشطة اللى هنقوم بيها(زى تنظيم حفلة سمر مثلآ) وبعدين وقت الراحة من 3ل5


    وبعدين لو ورانا حاجات هنعملها بردو بنعملها وبعدين الساعة 9 بنتعشى وبعدين من 10 لحد 11 ونصف حفلة السمر


    بتبقى أحلى حاجه فى المعسكر (ترفيه) بنقوم بيها إحنا نفسنا كل جماعتين أو تلاته بيبقى بنات معينيين مسئوليين عن الحفله


    وكل واحد حسب موهبته فى اللى بتبقى مذيعة و فى اللى بيغنى وفى اللى بيلقى شعر وفى اللى بيمثل كل اللى عنده موهبه بيطلعها فى الحفلة دى


    وطبعآ كل جماعة بتقعد تشجع الجماعة بتاعتها اللى قايمة بحفلة السمر


    وبنقول شعار الكلية بتاعنا(إحنا اللى بنتحدى الزمان موجودين فى كل مكان بقلوبنا الصافيه الصافيه ميه ميه خدمة إجتماعية جامعة حلوان) ونصقف الصباعية


    بس وبعدين بنطلع ننام بس إحنا مش كونا بنعرف ننام الجو حر والواحد مش إتعود ينام فى مكان غير بيته أو سريره


    كنا بنقعد نلعب كوتشينه أو نلعب أى حاجه تيجى على بالكم


    وبعدين ننام ويتكرر اليوم هوه هوه بس بأنشطة مختلفة


    على فكرة الغداء بيتغير كل يوم طبعآ مرة مكرونة وفاصوليا وقطعة لحمة مفرومة طعمها زى الكفته

    ويوم أرز وطبيخ وفراخ والفاكهه تفاح أو عنب كده يعنى


    فى حاجه إسمها الدورى


    الدورى ده بيكون على كل جماعة أو إتنين يوم


    الدورى ده بيتقسم للجان


    بنات توقف أمن وبنت للإسعافات الأوليه عشان لو بنت تعبت فوق تبلغ الدكتور وتنزلها له عشان الدكتور ميقدرش يطلع فى وسط البنات(حماية وتأمين للبنات)


    وبنات بيروحوا المطعم بيزينوا تربيزتين للإشراف اللى هما الدكاترة يعنى والمشرفين على المعسكر وبردو التربيزات التانية بس حاجه بسيطة كده


    وبيملوا شفاشق الميه


    وبعدين أول ما البنات يجوا يدخلوا بتبقى بنت وقفه تدي البنات العشاء بتاعهم والفطار كمان


    بيبقى عبارة عن تلت مثلثات جبنة نستو وإتنين أو تلاته مربى تين ورغيفين عيش وعصير أو لبن


    وبنت بتدى البيض المسلوق وبنت بتدى الملعقة وبنت بتدى العيش وبنت تدى الفاكهة


    ولما كل البنات تأكل تبدآ بقى البنات دى تأكل


    وللأسف بتكون الأتوبيسات خلاص ودت البنات وتضطر البنات دى تمشى فى الشمس لحد المبنى(راسنا ساحت وجت لنا ضربة شمس)


    روحنا الساعة 4 إلا ربع ملحقناش نستريح نصف ساعة وقمنا تانى غصب عننا


    وبنات بيبقوا فى حاجه إسمها البحث


    بنبقى مع دكتور معين بيخلينا نفرغ البيانات بتاعة إستمارات فى ورقة معمول فيها جدول


    وبنات بينظفوا الملعب الصبح وبيحددوه بالطباشير وبردو بيعملوا كده بالليل


    نسيت أقول إنى فى حاجه إسمها طابور كمان الساعة8 بالليل


    بنحفظ شوية شعارات زى شعار تحية الضيوف مثلآ أو شعار الوداع


    وبعدين ننزل العلم


    وفيه بنات بيعملوا حفلة السمر(تبع الدورى بردو)


    مش فاكرة أنا نسيت حاجه تانى فى الدورى ولا لأ


    اليوم الأخير بيمشى عادى بردو بس الساعة 8 بننزل كلنا


    جه عميد كليتنا ومشرف المعسكر والمديرة طبعآ وكل الدكاترة اللى موجودين فى المعسكر


    وطبعآ زى كل يوم بتتزين تربيزة لمشرفين المعسكر فى حفلة السمر


    إتفرج العميد على حفلة السمر الأخيرة وألقى علينا كلمة وحيناه بشعار تحية الضيوف


    وقام بتوزيع شهادات التقدير على الدكاترة بتوع كل جماعة


    شهادة تقدرير للدكتورة أو الدكتور وشهادة لينا إحنا كمان بما إننا ساهمنا فى إنجاح المعسكر


    وشهادات رمزية للطالبات المتميزيين


    وكرم العميد الطالبة المثالية اللى إجتازت الإختبار من بين 7 بنات كانوا معاها فى الإختبار


    من طرائف المعسكر إن كان فى حملة سمر وكانوا البنات بيمثلوا بإنهم عملوا الفرح النوبى ولبسوا بنت جيبة بيضة وفيست أبيض وبادى أبيض وطرحة بيضة ولبسوا بنت تانية بنطلون وبلوزة وربطة راسها زى النوبيين وعملت شنب بالكحل

    وقعدوا يغنوا والمعسكر كله يغنى معاهم كإنوا فرح حقيقى بالضبط


    وبعد الحفلة زفوا العرسان من الملعب لحد المبنى وقعدوا البنات يغنوا ويزغرطوا سواء كان فى الملعب أو المبنى


    ويصفقوا والله كنا حاسيين إن فيه فرح بجد والبنات قعدوا يتصوروا مع العريس والعروسة


    كان يوم خرافة



    من الطرائف بردو كان فى واحدة فى جماعتنا وأوضتها قريبة من أوضتنا طبعآ


    سمعناها بتهزر مع واحدة صحبتها فى الدور البنت دى أصلآ مدربة تايكوندو


    لقيناها بتهرج مع صحبتها وبتضربها وبقينا واقفين نتفرج ومذهولين


    ما شاء الله جسمها مرن جدآآآآ لقينا رجليها وصلة لحد رأس صاحبتها فوق وبتضربها فى راسها ورقبتها هههههههههه

    قولنا لها حراااااااام عليكى البت مش قدك وقعدنا نضحك ضحك


    وكنا بنعمل مقالب فى بعض فظيعة


    كنا نقفل الباب مثلآ بالسرير ونخلى أصحابنا بره


    مره قفلت واحدة من أوضتنا أوضه على ناس صحابنا بإنها قفلت البتاعة بس اللى بيدخل فيها قفل الأوضه


    وبعدين جريت وبعدين رجعتها تانى وجريت وصحاب الأوضة عرفوا إنها صاحبتنا من اوضتنا


    لقينا البنت جات لها بالشبشب ههههههههههه قولنا لها منعرفش هى فين


    وبعدين خلناها لفت وخبينها فى الأوضة


    يااااااااااه مواقف متتنسيش أبدآآآآآآآآآ


    وإنتهى المعسكر بسلام والحمد لله



    أنا عارفه إنى طولت أوييييي سامحونى بس كنت عايزة أخليهم كإنكم عشتم الحدث هههه قصدى المعسكر لحظة بلحظة


    سلااااااااااااااااااام

      الوقت/التاريخ الآن هو الخميس مارس 28, 2024 5:32 am