منتديات احلي شله

اهلا بك زائرنا الكريم اذا كانت هذه اول زياره لك فنرجوا منك التسجيل وان كنت عضو فنرجوا منك الدخول

شباب×شباب

اهلا بالعضو الجديد مملكه الحب

فلنرحب به ترحيب جامد جدا جدا جدا له

اشهر منتداك هنا

اهلا ومرحبا بكم في منتديات احلي شله

 


    الى ناجى العلى الفنان والشهيد والصديق الذى لم اره

    شاطر
    avatar
    بياض الثلج



    عدد الرسائل : 652
    العمر : 28
    الموقع : www.banota7.yoo7.com
    البلد : مصر
    الاوسمه : افضل عضوه
    السٌّمعَة : 4
    نقاط : 4438
    تاريخ التسجيل : 10/08/2008

    متميز الى ناجى العلى الفنان والشهيد والصديق الذى لم اره

    مُساهمة من طرف بياض الثلج في الجمعة مارس 20, 2009 4:38 pm

    الموت على الاسفلت
    أماية ... وأنتي بترمي بالرّحي ..
    على مفارق ضحى
    وحدك وبتعدّدي
    على كل حاجة حلوة مفقودة
    ما تنسينيش يا أمة في عدُّودة
    عدّودة من أقدم خيوط سودا في توب
    الحزن
    لا تولولي فيها ولا تهللي
    .. وحطي فبها اسم واحد مات:
    كان صاحبي يا أمه ..
    واسمه:
    ناجي العلي
    يا قبر ناجي العلي.. وينك يا قبر
    يا قبر معجون بشوط مطلي بصبر
    الموت بقرّب عليك .. يرتد خوف
    وإذا ما خافشي الموت .. يرتد جبر
    .................
    يا قبر ناجي العلي.. يا دي الضريح
    كان ميِّتك للأسف وطني صريح
    تحتك فتى ناضر القلب .. غضّ
    كان قلبه .. أرض مخيّمات الصفيح
    الأرض متغربة .. والحلم ملْكْ
    خريطة شبه الوطن محاصرها سلك
    واقف وراها شريد عاقد إيديه
    حنّ الوطن ذلك .. للأرض .. تلك
    غشيم في حب الوطن .. طبعا غشيم
    ياللي تحب الوطن .. من الصميم
    على طريقة العرب في الحب ..
    عيش وَليْ.. نقي.. متي.. لكن لئيم
    الأغنية :
    ناجي العلي في الأغنية
    هلّ عليْه
    زي الغزالة البرية
    ماسك رسمة
    ...........
    والرسمة فيها دمع وضحك
    وأرض مِلك
    وابن واقف خلف السلك
    قصاد رسمه
    ................
    والرسمة فيها يهود.. . بحاخام
    والأنكل سام ..
    وعرب لطاف عايشين في سلام
    جوه الرسمه
    .............
    رسم الكفوف زي الصبّار
    حنظل بمرار
    صبي قصير واقف محتار
    قدامه رسمه
    ............
    رسما لا نعرف تتحادق
    ولا بتنافق
    نايب ماجي إنُّه عاش صادق
    عاش للرسمة
    ...............
    كان زييّ.. يائس يأس مميت
    لكن عفريت
    دخل لأعدائه في البيت
    شايل اسمه
    ..................
    والرسمة ما فيهاش سما وبيوت
    ولكن لها صوت
    يا ناجي.. كان لا بد تموت
    برّه الرسمة
    ..................
    قتلت ناجي العلي لما رسم صورة
    يواجه الحزن فيها براية مكسورة
    لما فضحني ورسمني صورة طبق
    الأصل
    ما عرفشي يكذب ولا يطلع قليل
    الأصل
    الناس بترسم بريشة وهوه ريشته
    نصل
    فضح رموز الرواية وهيّه عَ المسرح
    قتلته بأيدي وإيد غيري في آ خر
    الفصل
    يا بلادي . . ما تزعجيش نفسك
    عشان صورة !
    أهلي لا أهلك . ولا أهلك ساعات
    أهلك
    ما تحكليش ع اللي قتلك .. مش
    حاخد لك تار
    ما ملكش غير أحسدك خالص على
    قتلك
    قتيل في غربة .. بيفرق عن قتيل
    الدار
    يا ماشي للنور.. ومش ماشي على
    مهلك
    واحنا خطاوينا يمّ الموت .. تجيب
    العار
    أنا الموساد .. والفساد.. قاتل كتير
    قبلك
    كمال .. وغسان .. واسأل ماجد أبو
    شرار
    وحاموت .. لاشفتك .. ولا حا عرف في
    يوم قبرك
    لا حاحُط زهرة عليه ولا حأغرس
    الصبّار
    حاولت قتل الجهل طلع الجهل
    متعلّم
    وأهه قتلك
    وحولك وأنت واضح . . سر من
    الأسرار
    أمايه . .
    وأنتي بترمي بالرحى
    على مفارق ضحى
    وحدك .. وبتعددّي
    على كل حاجة حلوة مفقودة
    ما تنسنيش يا أمّه في عدوُّدة ...
    عدوّدة .
    من أقدم خيوط سودا في توب
    الحزن
    لا تهّللي فيها ولا تولولي
    وحطّي فيها اسم واحد .. مات
    كان صاحبي يا أمه ..
    واسمه ناجي العلي..
    ........................
    أطفالك البؤسا . قاموا هناك ورا
    الشباك
    بيفتحوا بالضوافر.. فكرة الشباك
    مين أول اللي رسمهم في الصحف
    إلاّكَ؟
    قلعوا الهدوم القدام .. وطلعوا
    بهدومك
    إصحي يا ناجي العلي.. قامت
    القيامة هناك
    ....................
    قامت قيامة ثمانية وأربعين .. غارقة
    في طريقها ذل السنين العاقر
    الناشفة
    إصحى يا ناجي العلي.. أهي
    صحيت الضفة
    يقشعروا الأرض .. إصحى جاوب
    الهزة
    سنّ القلم من جديد وارسم بنات
    غزة
    عزة اللي حضنت سلوكها وعشقت
    الحزة
    ما ما تتش .. طب ما أنت مت ....
    عرفت تتوفى؟!


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    اجيبني ما سألتك ان حبي لك حقيقه ام خيال
    فأن شعري عبدك المجنون
    اتً لا محال
    يسور العبد اذا قصت الحبال
    فزوبي عند حد الحب موتي فكوني لي
    فا للدنيا الزوال

      الوقت/التاريخ الآن هو الخميس أغسطس 16, 2018 3:38 pm