ازيكوا يا أحلى بنات..
.. يا رب اقدر اقدم الفايدة لكل اللي بتعاني من مشكلة الحبوب..
بصوا يا جماعة انا الحبوب دي تعبتني قوي و لففتني عند الدكاترة و خدت علاجات و عملت وصفات للصبح.. لكن و لا حياة لمن تنادي
انا من كل العلاجات اللي خدتها ماستفدتش غير من صابونة اسمها( اكنيزول) دي صابونة لحب الشباب ب 6 جنيه و ميزتها انها بتشيل الدهون م الوش و تخليه جاف و بكده بتقلل من فرصة تكون الحبوب.. الدكتور كان قاللي استخدمها مرتين ف اليوم بس انا باستخدمها كل ما ادخل الحمام..بجد جميلة قوي و بتشد الوش
و كمان يا جماعة استخدمت كريم تقشير لوشي و ده بقه اللي كان مفاجأة ليا بجد.. الكريم ده هوه ( كلين اند كلير لتقشير الوجه) اولا يا جماعة بيقشر الوش من غير ماتحسي بقشرة و لو صغيرة ف وشك بالعكس الوش بيبقى ناعم و بيبيض مع الوقت.. و مع الوقت كمان هتلاقي الحبوب بدأت تطفي و وشك بدأ يرجع لأصله.. المشكلة بس هتبقى الاثار اللي هتروح مع الزمن و استمرار استخدامه..
انا حسيت بالفرق بعد حوالي اسبوعين و بعد شهر و الله وشي بقى صافي الحمد لله.. و للأمانة فيه حبة من وقت للتاني بتطلع لكن مبتبقاش واضحة قوي و بتطفي بسرعة..
ولسه فيه اثار ف وشي بسيطة( للعلم انا وشي كان معمر)
انا اي حد دلوقتي يشوفني بيلاحظ الفرق ..
يا رب اكون قدرت افيد بحاجة.. و مستنية ردودكم بقه عشان اتشجع اني انزل مواضيع تانية.
.. يا رب اقدر اقدم الفايدة لكل اللي بتعاني من مشكلة الحبوب..
بصوا يا جماعة انا الحبوب دي تعبتني قوي و لففتني عند الدكاترة و خدت علاجات و عملت وصفات للصبح.. لكن و لا حياة لمن تنادي
انا من كل العلاجات اللي خدتها ماستفدتش غير من صابونة اسمها( اكنيزول) دي صابونة لحب الشباب ب 6 جنيه و ميزتها انها بتشيل الدهون م الوش و تخليه جاف و بكده بتقلل من فرصة تكون الحبوب.. الدكتور كان قاللي استخدمها مرتين ف اليوم بس انا باستخدمها كل ما ادخل الحمام..بجد جميلة قوي و بتشد الوش
و كمان يا جماعة استخدمت كريم تقشير لوشي و ده بقه اللي كان مفاجأة ليا بجد.. الكريم ده هوه ( كلين اند كلير لتقشير الوجه) اولا يا جماعة بيقشر الوش من غير ماتحسي بقشرة و لو صغيرة ف وشك بالعكس الوش بيبقى ناعم و بيبيض مع الوقت.. و مع الوقت كمان هتلاقي الحبوب بدأت تطفي و وشك بدأ يرجع لأصله.. المشكلة بس هتبقى الاثار اللي هتروح مع الزمن و استمرار استخدامه..
انا حسيت بالفرق بعد حوالي اسبوعين و بعد شهر و الله وشي بقى صافي الحمد لله.. و للأمانة فيه حبة من وقت للتاني بتطلع لكن مبتبقاش واضحة قوي و بتطفي بسرعة..
ولسه فيه اثار ف وشي بسيطة( للعلم انا وشي كان معمر)
انا اي حد دلوقتي يشوفني بيلاحظ الفرق ..
يا رب اكون قدرت افيد بحاجة.. و مستنية ردودكم بقه عشان اتشجع اني انزل مواضيع تانية.